சிவவாக்கியர் சிந்தனைகள்

சிவவாக்கியர் சிந்தனைகள் 052

கைவடங்கள் கொண்டு நீர் கண்சிமிட்டி நிற்கிறீர்

எவ்விடங்கள் கண்டு நீர் எண்ணி எண்ணிப் பார்க்கிறீர்

பொய் இறந்த சிந்தையை பொருந்தி நோக்க வல்லிரேல்

மெய் கடந்து உம்முளே  விரைந்து கூடல் ஆகுமே.

எவ்வளவோ கை முறைகள் கொண்டு யோக ஞானம் கற்றாலும் நம் மெய்யில் மெய்யான இடம் எதுவென அறியாமல் கண்களை சிமிட்டி நிற்கிறீர்கள். ஈசன் இருக்கும் இடம் எங்கே என்று தெரிந்து கொள்ளாமல் எவ்விடத்தில் மனதை இறுத்தி தியானம் செய்கிறீர்கள். பொய்யாயின யாவையும் ஒழித்து மெய்ப் பொருளை நன்கு உணர்ந்து, அங்கேயே சிந்தையைப் பொருத்தி அதையே நோக்கி தியானிக்க வல்லவர்கலானால் மெய்ப்பொருளில் சோதியாக விளங்கி எல்லாவற்றையும் கடந்து நின்ற ஈசனை உங்களுக்குள்ளேயே கண்டு விரைவில் சேர்ந்து கூடி இறவா நிலையைப் பெறுங்கள்.

http://sivavakiyar.blogspot.com/ நண்பர்களே, லிங்கினை அழுத்தி, சித்தர் சிவவாக்கியரின் சிந்தனை மற்றும் சிவனைப் பற்றிய 550 பாடல்களை இனிய சந்தத்தில் வேண்டும் பொழுது கேளுங்கள் மனதிற்கு  மகிழ்வாக இருக்கும்...         

நன்றி நண்பர் (கே எம் தர்மா..)

என்றும் அன்புடன் 

சே.பா. சபரிராஜ் M.A.,M.Phil.,